480-2900

Geirland 0, Kirkjubæjarklaustur

Til baka
Fasteignasala / Leitarniðurstöður / Raðnúmer: 402252
Lýsing

LÖGMENN SUÐURLANDI S: 480 2900

Hótel Geirland, Skaftárhreppi

Einstakt tækifæri í ferðaþjónustu, Geirland í Skaftárhreppi. Jörðin er um 2000 ha að stærð og á henni er rekið 40 herbergja hótel og veitingarhús.  

Hótel byggingin er 
855,3 m2  að stærð og byggð úr timbri í tveimur hlutum fyrsti hlutinn er byggður árið 2006 og sá seinni árið 2011.  Eldri hluti húsins stendur á steyptum grunni en sá yngri er með timburgólfi.  Húsið er allt klætt að utan með báruál zinki og litað járn á þaki. Í hótelinu eru 24 herbergi.  Öll herbergin hafa sér baðherbergi. Herbergin 14 í eldri álmunni eru parketlögð en herbergin 12 í nýrri álmunni eru teppalögð.  Öll baðherbergin eru með epoxy efni á gólfum og á veggjum í sturtunni, auk þess er upphengt klósett og vaskur. Í öllum tveggja manna herbergjunum eru tvö stök rúm. Herbergjagangarnir eru teppalagðir. Setustofa er í miðju hótelinu og er hún teppalögð. Einnig er þvottahús fyrir miðju í hótelinu og er epoxy gólfefni á gólfinu þar.

Gistihúsin eru fimm á jörðinni.
Tvö 78,5 m2 gistihús með fjórum tveggja manna herbergjum byggð árið 2000.  Húsin er klætt að utan með báruál zinki og litað járn er á þaki. Sér baðherbergi og sér inngangur er í hverju herbergi. Parket er á herbergjum. Á baðherbergjum er sturta, upphengt wc og vaskur með skáp en epoxý er á gólfi en flísar eru á veggjum.
 
Þrjú 38,8 m2 gistihús með tveimur tveggja manna herbergjum eitt sem er byggt árið 1992 og tvö árið 1996. Húsin eru klædd að utan með standandi timburklæðningu og bárujárn er á þaki. Sér baðherbergi og sér inngangur er í hverju herbergi. Parket er á herbergjunum. Á baðherberginu er sturta, upphengt wc og vaskur með skáp en epoxý er á gólfi og á vegg í sturtuklefa. Komið er að viðhaldi á gler og klæðningu.
 
Veitingahúsið er 217,7 m2 að stærð byggt úr timbri árið 2006 og stendur á steyptum sökkli. Húsið er klætt að utan með báruál zinki og litað járn er á þaki. Í veitingahúsinu er komið inn og þar er móttaka í anddyri.  Innaf móttökunni er matsalur og bar. Í matsalnum  Pláss er fyrir 80 manns í sæti.  Tvær snyrtingar eru við anddyri fyrir hvort kyn. Eldhús er innaf barnum og er þar fullbúið veitingaeldhús.  Starfsmannaaðstaða er innaf eldhúsinu, þ.e búningsaðstaða og kaffistofa auk snyrtingar. Öll gólf í veitingahúsinu nema gólf í eldhús eru flísalögð en þar er korkur á gólfi.
 
Íbúðarhús:  
Um er að ræða 239,5 m2 íbúðarhús og 65,3 m2 viðbyggingu sem er skráð sem veitingahús. Íbúðarhúsið er byggt árið 1946 en viðbyggingin er byggð árið 1996. Húsið er steinsteypt en viðbygging er úr timbri en húsið er allt klætt að utan með báruál zinki og litað járn er á þaki. Að innan er  eignin á tveimur hæðum á efri hæðinni er stór forstofa, stofa, eldhús, fjögur svefnherbergi, baðherbergi, hol. Á neðri hæðinni er stofa, fjögur herbergi, baðherbergi, þvottahús og geymsla. Parket er á svefnherbergjum, holi, stofu á efri hæð. Flísar eru á forstofu, þvottahúsi, geymslu og stofu á neðri hæð. Baðherbergið á efrið hæðinni er flísalagt í hólf og gólf með sturtu, wc og innréttingu. Á baðhergi á neðri hæð flísalagt með sturtu, wc og innréttingu og flísum á gólfi. Í eldhúsinu er stór plastlögð innrétting með dúk á gólfi. Komið er viðhaldi á gluggum og gleri á húsinu og einnig komið að viðhaldi á klæðningu.  
 
Útihús: 
Um er að ræða útihús sem voru byggð á árunum 1956-1962 og eru ca. 730 m2 að stærð. Húsið er innréttað sem fjárhús að stærstum hluta og einnig er hesthús með 4 tveggja hestastíum. Lítil vélaskemma er einnig í húsinu. Loft eru einangruð.
 
Lóðin næst hótelinu er með malarbornu bílastæði Lóð sem liggur milli herbergjaálmanna er með hellulögðum stéttum á milli húsa. Timburverandir eru við hvert hús. Rafmagnskynding er í öllum húsum á jörðinni.

Nánari upplýsingar á skrifstofu Fasteignasölu Lögmanna Suðurlandi.

Nánari upplýsingar á skrifstofu Lögmanna Suðurlandi.

Lánmöguleikar

Um eignina

Tegund: Lóð
Stærð: 1345 m2
Herbergi: 0
Svefnherbergi: 40
Baðherbergi: 0
Stofur: 0
Inngangur: Sér
Byggingaár: 1992
Bílskúr/skýli: 0
Fasteignamat: 94.910.000 kr.
Brunabótam: 326.300.000 kr.
Verð: 0 kr